Kundeservice for privatpersonar

• Korleis loggar eg inn i Digipost?

  For å logge inn i Digipost kan du enten bruke ID-porten, eller personnummer og sjølvvalt passord.

  Vi anbefaler at du alltid vel innlogging med ID-porten. Då får du tilgang til alle meldingar frå offentleg og privat sektor. På ID-porten kan du velje mellom BankID, Buypass, Commfides og MinID. Les meir om de ulike innloggingane på ID-portens hjelpesider.

  Viss du loggar inn med passord, får du berre tilgang til å lese meldingar med lågare sikkerheitskrav, frå private bedrifter. Du får ikkje tilgang til å lese meldingar frå offentleg sektor med passord.

• Eg har spørsmål om BankID, Buypass eller Commfides

  Du finn svar på spørsmål om BankID på deira hjelpesider: https://bankid.no/hjelp

  Du finn svar på spørsmål om Buypass på deira hjelpesider: https://www.buypass.no/hjelp

  Kontakt Commfides kundeservice om du har spørsmål til deira løysing.

• Korleis loggar eg ut av Digipost?

  Du finn "Logg ut" under profilen din i Digipost. Viss du brukar Digipost-appen på ein personleg eining, til dømes din eigen mobiltelefon, anbefaler vi at du ikkje loggar ut etter at du er ferdig med å bruke appen. Fordelane med å vere innlogga i appen er at du får varsel i appen når du får nye meldingar, og du treng berre å bruke ansiktsgjenkjenning, fingeravtrykk eller mobilkode for å opne appen neste gong du skal bruke den. Sjølv om du er innlogga, lukkar appen seg, og kan ikkje opnast utan ansiktsgjenkjenning, fingeravtrykk eller din mobilkode.

• Korleis kan eg avslutte Digipost?

  Viss du ikkje lenger vil bruke Digipost, kan du gå inn på kontoinnstillingar under din profil, og velje "Deaktiver og steng konto". Eit betre alternativ enn å avslutte kontoen kan vere å gi tilgang til nokon du stolar på. Då kan eit familiemedlem, ein ven eller ein verge få tilgang til å lese dine meldingar. Den som har tilgang får også varsling på e-post når du får nye meldingar. For å gi andre personar tilgang til din postkasse, går du inn på profilen din og vel "Tilganger". Du kan lese meir om tilgang på tilgang.

  Når du deaktiverer kontoen vil du ikke motta nye meldinger, men du vil fremdeles har tilgang til å lese gammelt innhold.

  Når du stenger kontoen vil det ikkje lengre vere mogleg logge inn. Etter tre månader blir innholdet i postkassen sletta. Det kan ikkje bli gjenoppretta. 

  Les meir om å deaktivere eller stenge konto.

• Kva skil Digipost frå e-post og andre postkasser på nett?
  • Sikkerheit I motsetning til vanleg e-post, er Digipost ein sikker digital postkasse. Alle meldingar som blir sende i Digipost er krypterte og kjem frå verifiserte avsendarar. Det er trygt å klikke på lenker du får i Digipost, fordi vi har kontrollmekanismar som hindrar at ondsinna aktørar brukar våre løysingar.
  • Eigarskap Du eig dei meldingane du mottar i Digipost. Det betyr at du kan vere trygg på at ingen kan endre eller slette innhald i din postkasse.
  • Berre viktige meldingar I Digipost slepp du spam og reklame. Du mottar berre meldingar som er viktige. Ingen avsendarar kan gi seg ut for å vere nokon andre når dei sender i Digipost.

  Les meir om sikkerhet i Digipost.

• Korleis kan eg endre namn eller adresse?

  Vi hentar namn, fødselsnummer og postadresse frå Folkeregisteret og Posten sin adressedatabase. Om du melder endring til Folkeregisteret, vil Digipost bli oppdatert etter ei stund. Du kan ha fleire postadresser registrert. Dersom det er feil i dine registrerte personopplysningar, kan du kontakte kundeservice.

• Korleis kan eg endre e-postadresse eller telefonnummer?

  Når du registrerer deg i Digipost, blir e-postadresse og telefonnummer henta frå det nasjonale kontaktregisteret.

  Vi brukar dette til å varsle deg når du har meldingar i Digipost. Viss du endrar dine opplysningar i det nasjonale kontaktregisteret, blir ikkje din profil i Digipost oppdatert. Du kan sjølv endre kontaktopplysningane dine i Digipost under Profil - Personleg informasjon. Du kan registrere inntil tre e-postadresser, men berre eitt telefonnummer.

• Kvifor treng Digipost mi e-postadresse og telefonnummer?

  Vi brukar e-postadressa di til å varsle deg når du får nye meldingar, eller viss vi til dømes endrar vilkåra. Viss avsendar vel det, sender vi også SMS for å varsle om nye meldingar i Digipost. Du kan sjølv velje om du vil ha varsling på e-post og SMS, men du kan ikkje velje SMS frå alle avsendarar.

• Korleis kan eg endre e-postadresse eller telefonnummer?

  Når du registrerer deg i Digipost, blir e-postadresse og telefonnummer henta frå det nasjonale kontakt- og reservasjonsregisteret. Vi brukar dette til å varsle deg når du har meldingar i Digipost. Viss du endrar dine opplysningar i kontakt- og reservasjonsregisteret, blir ikkje din profil i Digipost oppdatert. Du kan sjølv endre kontaktopplysningane dine i Digipost under Profil - Personleg informasjon. Du kan registrere inntil tre e-postadresser, men berre eitt telefonnummer.

• Kva er Digipostadresse?

  Digipostadressa er din unike ID i Digipost. Den blir brukt av avsendarar som vil sende deg brev i Digipost. Viss du har valt å ikkje vere synleg i søk, treng andre privatpersonar som skal dele si postkasse med deg, eller sende deg meldingar, å vite kva Digipostadressa di er. Digipostadressa er bygd opp av namn, tal og bokstavar. Døme: ola.nordmann#123A Viss du endrar namn, vil systemet automatisk lage ny Digipostadresse basert på det nye namnet ditt. Viss Digipostadressa di er feil, kan du kontakte kundeservice. Du finn Digipostadressa di under Profil.

• Kvifor blir eg bedt om å bekrefte og verifisere kontaktopplysningane mine?

  Kvar 90. dag ber vi deg om å bekrefte at kontaktopplysningane om deg er riktige. Det er fordi det er viktig at varslingar om nye meldingar faktisk når fram til deg. Av same grunn ber vi deg også om å verifisere at e-postadresse og telefonnummer er riktige ved at vi sender deg ein kode på SMS og ei lenkje vi ber deg opne på e-post. Dette treng du berre gjere éin gong, og om du ikkje nyleg har registrert deg, bytta eller bekrefta e-postadressa di, kan du sjå bort frå e-postar frå oss som inneheld klikkbare lenkjer.

• Kan eg gi andre personar tilgang til min Digipost?

  Ja, du kan gjerne gi tilgang til kontoen din til ein eller fleire personar som du stolar på. Den som får tilgang kan lese og sende meldingar på vegner av deg, og får også varsling på e-post når du får nye meldingar i Digipost. For å gi andre personar tilgang til di postkasse, går du inn på profilen din og vel "Tilgangar". Du kan lese meir om tilgang på tilgang.

• Korleis finn eg postkasser eg har fått tilgang til?

  Når du har fått tilgang til ein annan person sin postkasse, kan du sjå innhaldet til denne personen ved å velje personen sitt namn øvst i postkassemenyen.

• Eg er verge. Kva dokumentasjon treng Digipost?

  Om du ønskjer tilgang til ein Digipost-konto fordi du har vergefullmakt, må du sende ei melding til Digipost kundeservice i Digipost. I meldinga må du beskrive situasjonen, oppgi kontaktinformasjonen din og leggje ved ein kopi av vergefullmakta. Du vil få tilgang til kontoen når Statsforvaltaren har utstedt og godkjent papira.

• Kva er framtidsfullmakt?

  Ein framtidsfullmakt regulerer kven som kan handle på dine vegner, viss du sjølv ikkje er i stand til det i framtida. Dette kan innebere å handtere din digitale post. Ein framtidsfullmakt må vere signert av vitne, og kan oppbevarast i eit privat arkiv eller hos ein advokat.

• Kva dokumentasjon treng Digipost for at ein framtidsfullmakt skal tre i kraft?

  Dersom du er utpeika i ein framtidsfullmakt, kan du få tilgang til vedkommande si Digipost-konto.

  Digipost treng kopi av framtidsfullmakta og ei attest frå ein lege som viser at personen ikkje lenger er i stand til å ta vare på eigne interesser.

  Er det oppgitt fleire personar i framtidsfullmakta, kan det vere nødvendig at du sender fullmakt eller godkjenning frå dei andre personane.

  Send informasjonen via melding i Digipost til Digipost kundeservice, eller i posten til:

   

  Posten og Bring Kundeservice
  Stølsmyr 10
  5542 Karmsund

• Korleis kan etterlatne få tilgang til ein avdød person sin Digipost?

  Ved død vil kunden sin Digipost-konto automatisk bli deaktivert etter at Digipost mottar melding om dødsfallet frå folkeregisteret. Etter tolv månader blir Digipost-kontoen stengt, og alt innhald blir sletta. Om du ønskjer tilgang til den avdøde sin Digipost-konto, må du sende oss følgjande informasjon innan ni månader:

  • Skifteattest frå tingretten
  • Di e-postadresse
  • Ditt telefonnummer

  Når vi har mottatt informasjonen, kontaktar vi deg for å overdra kontoen. Send informasjonen via melding i Digipost til Digipost kundeservice eller i posten til: Posten og Bring Kundeservice Stølsmyr 10 5542 Karmsund

• Kva avsendarar brukar Digipost?

  Digipost blir brukt av private bedrifter, offentleg og frivillig sektor, og privatpersonar. Når du godtar bruksvilkåra, godtar du å motta post frå alle avsendarar, men du kan velje å endre korleis du mottar post frå offentleg sektor og privatpersonar. Sjå svar lenger ned.

• Korleis kan eg motta brev frå offentleg sektor i Digipost?

  Når du har konto i Digipost, treng du som regel ikkje å gjere noko for å få digital post frå det offentlege digitalt. Unntaka er om du:

  • Allereie har konto hos E-boks der du får offentleg post
  • Har reservert deg mot digital kommunikasjon

  På norge.no kan du fjerne reservasjon mot digital kommunikasjon eller bytte digital postkasse frå E-boks til Digipost.

• Kvifor får eg faktura i Digipost?

  Når nokon sender deg faktura i Digipost, er det ofte fordi dei ikkje har nok informasjon til å sende den som e-faktura, eller fordi dei ønskjer å nå deg i fleire kanalar. Fakturaer som du mottar i Digipost er like reelle som andre fakturaer, men ver merksam på at betalingsstatus ikkje blir oppdatert i Digipost dersom du betaler gjennom ein annan kanal.

• Korleis kan eg hindre at enkeltpersonar sender meg meldingar i Digipost?

  Viss du ikkje ønskjer at andre personar skal kunne sende deg meldingar, har du to moglegheiter:

  1. Blokkere enkeltpersonar som har sendt meldingar til deg tidlegare.
  2. Velje å ikkje vere synleg ved søk for andre privatpersonar.

  Dette gjer du på "Post frå privatpersonar", som ligg under "Sikkerheit og samtykker" på profilen din. Ver merksam på at om du vel å ikkje vere synleg, kan ingen privatpersonar sende deg noko i Digipost utan at dei kjenner din Digipost-adresse.

   

• Kva skjer med meldingane eg mottar?

  Meldingar du mottar i Digipost blir verande i Digipost til du sjølv vel å slette dei. Du kan opprette mapper og flytte meldingar til eigne mapper.

• Korleis kan eg betale faktura i Digipost?

  Dersom fakturaen er sendt i fakturaformat, kan du betale i Digipost via vår samarbeidspartnar Neonomics. Du blir sendt vidare til Neonomics som handterer sjølve betalingen frå din konto, og status og betalingsdetaljar er synlege i Digipost.

   

  Viss du har betalt via ein annan kanal, er dette ikkje synleg i Digipost, men du kan velje å markere fakturaen som betalt, slik at det blir enklare å halde oversikt. Neonomics har konsesjon frå Finanstilsynet i Noreg og er underlagt dei krava myndigheitene stiller til selskap som driv med betalingstenester.

   

  Viss fakturaen du mottar ikkje har ein knapp for å gå vidare til betaling, betyr det at den er sendt som ein PDF-fil, og Digipost kan ikkje hente ut data for å tilby betaling. Då må du kopiere betalingsdetaljar inn i nettbanken for å få betalt.

• Kva er fordelen med å sende brev i Digipost?

  Når du sender brev i Digipost, er du sikker på at innhaldet er kryptert, og at det når fram til riktig mottakar. Er innhaldet sensitivt, kan du krevje at mottakaren er logga inn med BankID eller liknande for å opne. Viss du er usikker på om du har funne riktig mottakar, kan du be vedkommande om å dele sin Digipost-adresse med deg, slik at du er heilt sikker på at du sender til riktig person.

• Kven kan eg sende brev til i Digipost?

  Du kan sende til alle privatpersonar som brukar Digipost i Noreg, med unntak av brukarar som har blokkert deg frå å sende dei meldingar.

• Kvifor får eg ikkje treff på alle når eg søkjer i Digipost?

  Du kan søkje på namn, postnummer og poststad. Du får berre sjå dei 30 første treffa, så inkluder postnummer eller -stad viss den du skal sende til har eit veldig vanleg namn. Då unngår du å velje feil person. Viss du ikkje får treff, kan det skuldast at den du søkjer etter:

  • Ikkje brukar Digipost
  • Har valt å ikkje vere synleg for søk
  • Har blokkert deg frå å sende dei meldingar

  Viss den du skal sende til brukar Digipost, men ikkje er synleg for søk, kan du be vedkommande dele sin Digipost-adresse med deg. Digipost-adressa ligg under profil. Når du skal sende til nokon med Digipost-adresse, skriv du heile adressa i søkefeltet, til dømes "ola.nordmann#123".

   

• Kva gjer eg om eg har sendt til feil mottakar?

  Dersom uhellet er ute og du har sendt feil, er det dessverre ikkje mogleg å rette det opp. Dette gjeld i Digipost på same måte som brev du sender i posten. Sjekk derfor grundig at du har riktig mottakar før du sender ei melding i Digipost. For å vere heilt sikker på at du har riktig person, kan du be mottakaren dele sin Digipost-adresse med deg. Digipost er ein unik ID som du finn under din profil.

• Kan eg laste opp eige innhald i Digipost?

  Du kan gjerne laste opp eige innhald i Digipost, så lenge du har ledig lagringsplass. Digipost er sikkert og eigna for å lagre viktige dokument.

• Kor stor lagringsplass har eg?

  Du kan lagre inntil 1 GB brev og dokument så lenge du vil. Viss du har brukt opp lagringsplassen, kan du framleis motta post, men du kan ikkje sende eller laste opp dokument. Ta kontakt med kundesenteret viss du har spørsmål om lagringsplass.

• Kva gjer eg om eg har brukt opp lagringsplassen?

  Viss du har brukt opp lagringsplassen, kan du slette innhald du ikkje lenger treng. Kontakt kundesenteret viss det ikkje er mogleg eller ønskjeleg. Du kan framleis motta nye meldingar om lagringsplassen er brukt opp, og du mistar ingenting, men du kan ikkje laste opp eige innhald eller sende meldingar.

• Kva skjer med meldingar eg slettar?

  Når du slettar innhald, hamnar det i papirkorga. Etter 30 dagar blir det sletta frå papirkorga og kan ikkje gjenopprettast. Viss du ønskjer at innhald skal slettast permanent før det har gått 30 dagar, kan du slette det frå papirkorga.

• Kva er fordelane med å laste ned Digipost-appen?

  Det er fleire fordelar med å bruke Digipost-appen:

  • Du er logga inn i 60 dagar sidan førre gong du brukte appen, og treng berre bruke biometri eller mobilkode for å aktivere appen på nytt.
  • Du får alltid varslingar på mobilen når du får nye meldingar.
  • Du kan gå rett frå varselet til meldinga.
  • Betre leseoppleving.
  • Betre brukaroppleving ved at du kan sveipe og skrolle på naturleg måte.
• Kva operativsystem støttar appen?

  For å laste ned siste versjon av mobilappen treng du:

  • iOS 15.0 eller nyare
  • Android 11 eller nyare

  I enkelte tilfelle kan du fortsette å bruke eldre appar og operativsystem, men vi anbefaler å alltid bruke siste versjon. Eldre versjonar kan innehalde sikkerheitshol og mangle funksjonalitet. Viss telefonen din ikkje støttar operativsystema nemnt over, kan det vere ei betre løysing å bruke Digipost via nettlesaren på mobilen.

• Korleis lastar eg ned Digipost-appen?

  Du lastar ned appen frå

  • Appstore for Iphone og Ipad
  • Google Play for Androidtelefonar og -nettbrett

  Appane er gratis å laste ned og bruke.

• Eg har aktivert biometri. Kvifor må eg likevel logge inn i appen i enkelte tilfelle?

  I appen er du alltid logga inn, med mindre du aktivt loggar deg ut, og det er nok å opne appen med ansiktsgjenkjenning, fingeravtrykk eller telefonkode for å aktivere den. På grunn av sikkerheit blir innloggingssesjonen din nedjustert til nivået som tilsvarar passord viss du ikkje har brukt appen på ei stund. Du vil då oppleve at du kan opne appen, men at fleire brev er merka med hengelås og at du må logge inn med ID-porten for å få tilgang til innhaldet. Eit anna scenario er at avsendar, ofte ein kommune, sender lenkje til innhald som ligg på eit anna nettstad i staden for å sende innhaldet direkte til deg i Digipost. Då vil du også oppleve at du må logge inn på nytt.

• Korleis blir sikkerheita ivaretatt i løysinga?

  Digipost er laga med tilsvarande sikkerheit som du er vant med i nettbanken. Når du er logga inn og les breva dine, skjer det gjennom ei kryptert forbindelse (SSL). Alle brev og personopplysningar blir lagra på ein sikker måte, i samsvar med personopplysningsforskrifta. Når du er logga inn, blir det også gjort automatisk back-up av alle data lagra i kontoen din. Når ein avsendar sender brev til deg, skjer det gjennom sikra dataforbindelsar.

• Kan tilsette i Digipost sjå meldingane mine?

  Nei, tilsette i Digipost har ikkje tilgang til dine dokument. Eit fåtal medarbeidarar er autorisert til å vedlikehalde og korrigere kundeopplysningar. Digipost vil opptre som databehandlaren din etter personopplysningslova og er ansvarleg for at dine rettar blir oppfylte. Dersom medarbeidarar i Digipost har behov for å sjå personopplysningar som del av sitt arbeid, blir dette loggført. Digipost er også sikra mot at uautoriserte personar kan få tilgang til persondata.

• Korleis kan eg vite at e-postar frå Digipost er ekte?

  Det hender dessverre at vondskapsfulle aktørar sender ut falske e-postar som ser ut som dei kjem frå Digipost. Den enklaste måten å skilje ekte frå falske e-postar er å sjekke avsendaren sin e-postadresse. Den finn du ved å klikke på avsendaren. E-postar frå Digipost blir alltid sendt frå no-reply@digipost.no.

  Digipost brukar aldri lenkjer i e-postar når vi varslar deg om nye meldingar, så om du mottar dette er det stor sjanse for at det er ein falsk e-post. Sjekk alltid adressefeltet til lenkjer du mottar via e-post. Er det ein annan adresse enn digipost.no, går lenkja heller ikkje til oss.

  Det einaste tilfellet vi sender lenkjer i e-postar er når vi ber deg om å verifisere e-postadressa di. Desse sender vi berre når du har:

  • registrert deg som ny brukar
  • endra e-postadresse
  • bekrefta e-postadresse

  Har du ikkje gjort noko av dette, anbefaler vi deg å slette e-posten.

• Korleis veit eg at avsendaren ikkje gir seg ut for å vere ein annan?

  Sikkerheita i Digipost er svært høg. Alle meldingar er krypterte både når dei blir sende og når dei blir lagra. Alle avsendarar og mottakarar i Digipost har bekrefta kven dei er med ein sikker elektronisk ID, slik at det ikkje finst falske identitetar i tenesta.

• Kva skjer med Digipost-kontoen når eg døyr?

  Når vi får melding om dødsfall frå Folkeregisteret, blir kontoen deaktivert, som vil seie at du ikkje lenger mottar meldingar i Digipost.

  Etterlatne kan få tilgang til kontoen i løpet av dei første ni månadene etter vi registrerte dødsfallet, dersom dei kan framvise skifteattest.

  Tolv månader etter vi fekk beskjed om dødsfallet, blir kontoen og alt innhald sletta. Det kan ikkje gjenopprettast.

• Kva vilkår gjeld?

  Her finner du gjeldande brukervilkår for privatpersonar.

• Kor finn eg personvernerklæringa og kontaktinformasjon til personvernombodet?

  Du finner gjeldande personvernerklæring her. Nederst i personvernerklæringa finn du kontaktinformasjon til personvernombodet.