Digipost API

Ved å integrere med Digipost sitt API kan du bruke Digipost-tenester direkte frå dine eigne system.

• Korleis startar eg integrasjonen med Digipost APIet?

  Det første steget er å få oppretta ein Digipost-verksemdskonto i vårt testmiljø. Send ein e-post til api@digipost.no for å be om dette.

  Inkluder følgjande detaljar om verksemda i e-posten:

  • Namn på verksemda
  • Organisasjonsnummer
  • E-postadresse
  • Telefonnummer

  Vi vil svare med naudsynte detaljar slik at du kan starte integrasjonen og teste i vårt testmiljø. All vår tekniske dokumentasjon er tilgjengeleg på https://digipost.github.io/digipost-technical-docs/.

• Kva kostar det å integrere med Digipost APIet?

  Det er ingen kostnader knytte til å integrere med Digipost. Kostnader oppstår berre når digital post og/eller tilleggstenester blir nytta i vårt produksjonsmiljø. Vi bistår òg kostnadsfritt med hjelp undervegs når du implementerer integrasjonen din.

• Korleis set vi integrasjonen i produksjon etter testing?

  Når du er ferdig med integrasjonen din i vårt testmiljø, tek du kontakt og melder at du er klar til å setje integrasjonen i produksjon. Vi avtaler då ein demo av løysinga dykkar, der de forklarer både funksjonelt og teknisk korleis integrasjonen dykkar fungerer.

  Når alt ser bra ut, opprettar vi ein Digipost-produksjonskonto for dykk, som de kan bruke til å sende meldingar i vårt produksjonsmiljø.

   

• Kor lang tid tek det å implementere Digipost APIet?

  Sjålv integrasjonen med Digipost er ikkje spesielt kompleks. Kor mykje tid ein brukar på å ferdigstille ein integrasjon, avheng av kor mykje kompleksitet de legg inn i eiga løysing. Til dømes vil integrasjonar som krev mykje endringar i GUI naturleg nok ta lengre tid. Det vil òg ta lengre tid dersom løysinga dykkar ikkje genererer ferdig formaterte dokument (t.d. PDF-ar) frå før. Ein typisk integrasjon med Digipost tek om lag 2–3 veker i ideell tid.